Информация

Православный календарь


Воскресенье 08 апреля 2018 / 26 марта 2018

Пасха. Светлое Христово Воскресение.
Окончание Великого поста, разрешение на вся.

2018
Пн Вт Ср Чт Пт Сб Вс
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6
Собор Архангела Гавриила. Мц. Параскевы (1939). Сщмч. Иринея, еп. Сирмийского (304). Мчч. Вафусия и Верка пресвитеров, Арпилы монаха, мирян: Авива, Агна, Реаса, Игафракса, Искоя, Силы, Сигица, Сонирила, Суимвла, Ферма, Филла и мцц. Анны, Аллы, Ларисы, Моико, Мамики, Уирко, Анимаисы (Анимаиды), Гаафы, царицы Готфской и Дуклиды (ок. 375). Прп. Малха Сирийского (IV). Прп. Василия Нового (ок. 944). Свщмч. Евсевия, еп. Кивала и мч. Пуллия. Свт. Браулио Сарагосского, Иберийского. Мч. Кодрата (Квадрата) и с ним 40 мчч. Свт. Лудгера, Нидерландского (Нидерл.). Мч. Монтана пресв. и жены его Максимы Румынских. Св. Евтихия, диакона Александрийского (356). Новомч. Георгия Адрианопольского (1437). Прп. Стефана, чудотворца и настоятеля Тригльского (815). Св. Гована пустынника Пемброкешинского.

Чтения дня

Деяния 1:1-8
Иоанна 1:1-17
Иоанна 20:19-25 (на вечерне)

Тропари

Пасха. Светлое Христово Воскресение. Тропарь, глас 5.
Христо́с воскре́се из ме́ртвых,/ сме́ртию смерть попра́в,/ и су́щим во гробе́х живо́т дарова́в.

ЧАСЫ НА СВЯТУЮ ПАСХУ

Подобает ведати, яко от сего дне святыя и великия Недели Пасхи даже до субботы, часы сице поются.

Наченшу иерею: Благослове́н Бог наш:

Аще ли не иерей: Моли́тв ра́ди Пречи́стыя Твоея́ Ма́тери, и всех святы́х Твои́х, Го́споди Иису́се Христе́, Бо́же наш, поми́луй нас.

Лик: Ами́нь. Христо́с воскре́се из ме́ртвых,/ сме́ртию смерть попра́в/ и су́щим во гробе́х живо́т дарова́в. Трижды.

Таже глаголем трижды.
Воскресе́ние Христо́во ви́девше,/ поклони́мся Свято́му Го́споду Иису́су,/ еди́ному безгре́шному,/ Кресту́ Твоему́ покланя́емся, Христе́,/ и свято́е Воскресе́ние Твое́ пое́м и сла́вим:/ Ты бо еси́ Бог наш,/ ра́зве Тебе́ ино́го не зна́ем,/ и́мя Твое́ имену́ем./ Прииди́те вси ве́рнии,/ поклони́мся Свято́му Христо́ву Воскресе́нию:/ се бо прии́де Кресто́м ра́дость всему́ ми́ру./ Всегда́ благословя́ще Го́спода,/ пое́м Воскресе́ние Его́:/ распя́тие бо претерпе́в,/ сме́ртию смерть разруши́.

Ипакои, глас 4.
Предвари́вшия у́тро я́же о Мари́и/ и обре́тшия ка́мень, отвале́н от гро́ба,/ слы́шаху от Áнгела:/ во Све́те присносу́щнем Су́щаго,/ с ме́ртвыми что и́щете, я́ко челове́ка?/ Ви́дите гро́бныя пелены́,/ тецы́те и ми́ру пропове́дите,/ я́ко воста́ Госпо́дь, умертви́вый смерть,/ я́ко есть Сын Бо́га, спаса́ющаго род челове́ческий.

Кондак, глас 8.
Áще и во Гроб снизше́л еси́, Безсме́ртне,/ но а́дову разруши́л еси́ си́лу/ и воскре́сл еси́, я́ко Победи́тель, Христе́ Бо́же,/ жена́м мироно́сицам веща́вый: ра́дуйтеся!/ и Твои́м апо́столом мир да́руяй,/ па́дшим подая́й воскресе́ние.

Таже и сей тропарь.
Во гро́бе пло́тски, во а́де же с душе́ю, я́ко Бог,/ в раи́ же с разбо́йником, и на Престо́ле был еси́, Христе́, со Отце́м и Ду́хом,/ вся исполня́яй, неопи́санный.

Слава: Я́ко Живоно́сец, я́ко рая́ красне́йший,/ вои́стину и черто́га вся́каго ца́рскаго показа́ся светле́йший, Христе́, гроб Твой,/ исто́чник на́шего воскресе́ния.

И ныне, Богородичен: Вы́шняго освяще́нное Боже́ственное селе́ние, ра́дуйся,/ Тобо́ю бо даде́ся ра́дость, Богоро́дице, зову́щим:/ благослове́нна Ты в жена́х еси́, Всенепоро́чная Влады́чице.

Таже Го́споди, поми́луй, 40.

Сла́ва, и ны́не: Честне́йшую Херуви́м и сла́внейшую без сравне́ния Серафи́м,/ без истле́ния Бо́га Сло́ва ро́ждшую,/ су́щую Богоро́дицу, Тя велича́ем.

И́менем Госпо́дним благослови́, о́тче.

Иерей: Моли́твами святы́х оте́ц на́ших: Мы же речем: Ами́нь.

И паки глаголем подобне: Христо́с воскре́се из ме́ртвых,/ сме́ртию смерть попра́в,/ и су́щим во гробе́х живо́т дарова́в. Трижды.

Сла́ва, и ны́не: Го́споди, поми́луй, трижды.

Благослови́. И отпуст перваго часа.

Христо́с воскре́се из ме́ртвых,/ сме́ртию смерть попра́в,/ и су́щим во гробе́х живо́т дарова́в. Трижды.

И нам дарова́ живо́т ве́чный,/ покланя́емся Его́/ тридне́вному Воскресе́нию.

Безплотным Силам. Тропарь, глас 4.
Небе́сных во́инств Архистрати́зи, / мо́лим вас при́сно мы недосто́йнии, / да ва́шими моли́твами оградите́ нас / кро́вом крил невеще́ственныя ва́шея сла́вы, / сохраня́юще ны припа́дающия приле́жно и вопию́щия: / от бед изба́вите ны, / я́ко чинонача́льницы Вы́шних Сил.

Архангелу единому. Тропарь, глас 4.
Небе́сных во́инств Архистрати́же, / мо́лим тя при́сно мы недосто́йнии, / да твои́ми моли́твами огради́ши нас / кро́вом крилу́ невеще́ственныя твоея́ сла́вы, / сохраня́я нас, припа́дающих приле́жно и вопию́щих: / от бед изба́ви ны, / я́ко чинонача́льник Вы́шних Сил.

Кондак, глас 2.
Архистрати́же Бо́жий,/ служи́телю Боже́ственныя сла́вы,/ Áнгелов нача́льниче и челове́ков наста́вниче,/ поле́зное нам проси́ и ве́лию ми́лость,/ я́ко Безпло́тных Архистрати́г.

Кондак, глас 8.
Пресве́тлыя, и Честны́я, и Вседе́тельныя,/ пренеисче́тныя и стра́шныя Тро́ицы/ Ты еси́, Архистрати́же, сла́вный служи́телю и моли́твенниче,/ ны́не непреста́нно моли́/ изба́витися нам от вся́ких бед и мук, да зове́м ти:/ ра́дуйся, покро́ве рабо́м твои́м.

Сщмч. Иринея, еп. Сирмийского. Тропарь, глас 8.
Жизнь твою́ целому́дренно соверши́л еси́,/ ничто́же на земли́ па́че Христа́ предпоче́т,/ ра́дуяся, вшел еси́ на му́ченическое благосла́вие,/ проти́вяся мучи́теля повеле́нию,/ яви́лся еси́ венцено́сец свяще́нный,/ и́бо Христо́с возме́здие тебе́ дарова́/ и всели́ тя в Ца́рство Небе́сное.

Кондак, глас 1.
Многоболе́зненных мук искуше́ния претерпе́л еси́,/ но непрекло́нен умо́м пребы́л еси́,/ мече́м же усече́н и в ре́ку вве́ржен,/ ре́чныя струи́ освяти́л еси́,/ сего́ ра́ди восхваля́ем тя, о́тче Ирине́е,/ воспева́юще свяще́нную и мироспаси́тельную па́мять твою́.


Пояснения к Православному церковному календарю.

О церковных праздниках, юбилейных и памятных датах, постах.

Главные праздники.

Сплошные седмицы.

Дни поста.

Дни особого поминовения усопших.