Информация

Православный календарь


Воскресенье 21 октября 2018 / 8 октября 2018

Неделя 21-я по Пятидесятнице. Глас четвертый.

2018
Пн Вт Ср Чт Пт Сб Вс
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
Память святых отцев VII Вселенского Собора (787). Прп. Пелагии (457). Сщмчч. Димитрия, архиеп. Можайского, и с ним Иоанна диакона, прмчч. Амвросия и Пахомия, прмц. Татианы, мч. Николая, мцц. Марии и Надежды (1937). Сщмч. Ионы, еп. Велижского, прмч. Серафима, сщмч. Петра, Василия, Павла, Петра, Владимира пресвитеров, мчч. Виктора, Иоанна, Николая и мц. Елисаветы (1937). Прмч. Варлаама (конец 1930-х). Прп. Досифея Верхнеостровского, Псковского (1482). Прп. Трифона, архим. Вятского, чудотворца (1612). Собор Вятских святых. Прп. Таисии (IV). Св. Пелагии девицы Антиохийской (303). Мч. Игнатия Болгарского. Св. Антония еп. Новгородского (1232). Прп. Кейн пустынницы Корневильской (V). Св. Иви иеродиакона Линдисфарского. Перенесение мощей св. Аидана епископа Линдисфарского и святителя Норфумского. Перенесение мощей св. Сеолфрифа игумена Вермофского и Джаровского. Прп. Тридуаны Ресталригской.

Чтения дня

Иоанна 21:1-14 (на утрене. Евангелие 10-e)
Галатам 2:16-20
Луки 7:11-16
Евреям 13:7-16 (святым отцам)
Иоанна 17:1-13 (святым отцам)

Тропари

Тропарь воскресный, глас 4.
Све́тлую Воскресе́ния про́поведь/ от Áнгела уве́девша Госпо́дни учени́цы/ и пра́деднее осужде́ние отве́ргша,/ апо́столом хва́лящася глаго́лаху:/ испрове́ржеся сме́рть,/ воскре́се Христо́с Бог,/ да́руяй ми́рови ве́лию ми́лость.

Богородичен, глас тойже.
Éже от ве́ка утае́нное,/ и Áнгелом несве́домое та́инство,/ Тобо́ю, Богоро́дице, су́щим на земли́ яви́ся Бог,/ в несли́тном соедине́нии воплоща́емь,/ и Кре́ст во́лею нас ра́ди восприи́м,/ И́мже воскреси́в первозда́ннаго,/ спасе́ от сме́рти ду́ши на́ша.

Кондак, глас тойже.
Спас и Изба́витель мой/ из гро́ба, яко Бог,/ воскреси́ от уз земноро́дныя,/ и вра́та а́дова сокруши́,/ и я́ко Влады́ка воскре́се тридне́вен.

Святых отцев VII Вселенского Собора. Тропарь, глас 8.
Препросла́влен еси́, Христе́ Бо́же наш,/ свети́ла на земли́ отцы́ на́ши основа́вый/ и те́ми ко и́стинней ве́ре вся ны наста́вивый,/ Многоблагоутро́бне, сла́ва Тебе́.

Кондак, глас 6.
И́же из Отца́ возсия́в, Сын неизрече́нно/ из Жены́ роди́ся сугу́б естество́м,/ Его́же ви́дяще, не отмета́емся зра́ка изображе́ния,/ но, сие́ благоче́стно начерта́юще,/ почита́ем ве́рно./ И сего́ ра́ди и́стинную ве́ру Це́рковь держа́щи,/ лобыза́ет ико́ну вочелове́чения Христо́ва.

Ин. тропарь, глас 2.
Пречи́стому о́бразу Твоему́ покланя́емся, Благи́й,/ прося́ще проще́ния прегреше́ний на́ших, Христе́ Бо́же:/ во́лею бо благоволи́л еси́ пло́тию взы́ти на Крест,/ да изба́виши, я́же созда́л еси́ от рабо́ты вра́жия./ Тем благода́рственно вопие́м Ти:/ ра́дости испо́лнил еси́ вся, Спа́се наш,/ прише́дый спасти́ мир.

Прп. Пелагии. Тропарь, глас 8.
В тебе́ ма́ти изве́стно спасе́ся, е́же по о́бразу:/ прии́мши бо крест, после́довала еси́ Христу́,/ и, де́ющи, учи́ла еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней./ Те́мже и со Áнгелы сра́дуется, преподо́бная Пелаги́е, дух твой.

Кондак, глас 2.
Те́ло твое́ поста́ми изнури́вши,/ бде́нными моли́твами Творца́ умоли́ла еси́ о дея́ниих твои́х,/ я́ко да прии́меши соверше́нное оставле́ние,/ е́же и обрела́ еси́, ма́ти, я́ве,/ путь покая́ния показа́вши.

Прп. Трифона, архим. Вятского, чудотворца. Тропарь, глас 4.
От земны́х на Небе́сная помы́слив,/ и́ноческое житие́ измла́да, преподо́бне, возлюби́в,/ и де́лом соверши́в ко Го́споду любо́вь,/ и тве́рдым умо́м Его́ Духнове́нным уче́нием озаря́я мир,/ и, возлюби́в, блаже́нне, всено́щное бде́ние/ и моли́тву непреста́нну, и наставле́ния Боже́ственнаго ра́зума,/ и́нок ста́до собра́, му́дре,/ и наста́вил еси́ ко све́ту Богоразу́мия, Три́фоне о́тче наш,/ Христа́ Бо́га моли́ дарова́ти душа́м на́шим ве́лию ми́лость.

Тропарь, глас 4.
Я́ко светоза́рная звезда́,/ возсия́л еси́ от восто́ка до за́пада,/ оста́вль бо свое́ оте́чество,/ доше́л еси́ Вя́тския страны́ и Богоспаса́емаго гра́да Хлы́нова,/ в не́мже оби́тель во сла́ву Пресвяты́я Богоро́дицы созда́в,/ и, та́мо на доброде́тель впери́вся,/ собра́л еси́ и́ночествующих мно́жество,/ и, сих наставля́я на путь спасе́ния,/ был еси Áнгелом собесе́дник,/ и по́стником соприча́стник, Три́фоне преподо́бне,/ с ни́ми Христа́ Бо́га моли́ спасти́ся душа́м на́шим.

Кондак, глас 2.
Волне́ний мно́жество невла́жно преходя́,/ безпло́тныя враги́ струя́ми слез твои́х кре́пко погрузи́л еси́,/ Богому́дре Три́фоне,/ и чуде́с дар прие́м,/ моли́ непреста́нно о всех нас.

Кондак, глас 8.
Днесь в нача́ле основа́ния доброде́телем, блаже́нне,/ положи́л еси́ в души́ свое́й страх Бо́жий,/ от ю́ности взем крест свой,/ благоче́стно Христо́ви после́довал еси́,/ Áнгельским о́бразом облече́ся и бысть мона́х преди́вен,/ в добро́детелех цветя́ше, к бу́дущим Бо́гови простира́лся./ И свое́й пло́ти, я́ко врагу́, неми́лостив, о́тче, был еси́,/ терпе́нием яви́ся, блаже́нне, я́ко зла́то искуше́но в горни́ле,/ но и ны́не не забу́ди посеща́ти чад свои́х,/ помина́й нас, чту́щих пресвяту́ю па́мять твою́,/ да вси благода́рне вопие́м ти:/ ра́дуйся, прему́дре Три́фоне, наста́вниче мона́хом.

Прп. Досифея Верхнеостровского, Псковского. Тропарь, глас 4.
Я́ко свети́льник всесве́тел яви́лся еси́/ во о́строве Пско́вскаго е́зера,/ преподо́бне о́тче наш Досифе́е./ Ты бо крест Христо́в от ю́ности своея́ на ра́мо взем,/ усе́рдно Тому́ после́довал еси́,/ чистото́ю Бо́гови прибли́жився,/ отону́дуже и чуде́с дарова́нием обогати́лся еси́./ Те́мже и мы, притека́юще ко святе́й иќоне твое́й, уми́льно глаго́лем:/ о́тче преподо́бне, моли́ Христа́ Бо́га/ спасти́ся душа́м на́шим.

Кондак, глас 2.
Чисто́тою душе́вною Боже́ственно вооружи́вся/ и непреста́нныя моли́твы, я́ко копие́, вручи́в,/ кре́пко пробо́л еси́ бесо́вская ополче́ния,/ Досифе́е, о́тче наш,/ моли́ непреста́нно о всех нас.


Пояснения к Православному церковному календарю.

О церковных праздниках, юбилейных и памятных датах, постах.

Главные праздники.

Сплошные седмицы.

Дни поста.

Дни особого поминовения усопших.