Информация

Православный календарь


Вторник 24 июля 2018 / 11 июля 2018

Седмица 9-я по Пятидесятнице. Глас седьмый.

2018
Пн Вт Ср Чт Пт Сб Вс
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
Воспоминание чуда вмц. Евфимии всехвальной, имже Православие утвердися (451). Равноап. Ольги, вел. кн. Российской, во святом Крещении Елены (969). Обретение мощей сщмч. Илариона, архиеп. Верейского (1998). Свщмч. Киндея пресвитера (III-IV). Ржевской, или Оковецкой (1539) и Борколабовской икон Божией Матери. Рудненской (1687) иконы Божией Матери. Прп. Никодима Ватопедского, Афонского (Греч. ). Новопрпмч. Никодима Афонского (Греч. ). Обретение и перенесение мощей преподобного Аркадия Вяземского и Новоторжского (1677). Новомч. Нектария Афонского (Греч.). Прп. Льва Мандрского (Греч.). Мчч. Януария и Пелагии Никополиских в Армении (310). Новосщмчч. Момцилы Гргуревица, Доброслава Блазеновица, Милана Бозица, Михайло Джусица, Иована Зецевица, Бозидара Иовица, Богдана Лалица, Трифуна Максимовица, Велимира Мииотовица, Бозидара Миница, Миладина Миница, Марко Поповица, Димитрия Раиановица, Будимира Соколовица, Релиана Спахица, Лазаря Цулибрка, Саво Силиаца, Саво Скалиока, Милодара Вукоицица, Ратомира Ианковица, Михаило Иевдиевица, Дусана Прииовица, Доброслава Соковица, Нестора Тркулиа, Серафима Дзарица, Андриа Силиака, Слободана Силиака и Иована Рапаица Сербских (1941-1945) (Серб.). Св. Дростана Старо-Дирского и Аберденского (VI) (Кельт. и Брит.).

Чтения дня

1 Коринфянам 12:12-26
Матфея 18:18-22; 19:1-2, 13-15
2 Коринфянам 6:1-10 (святым)
Луки 7:36-50 (святым)

Тропари

Равноп. Ольги, вел. кн. Российской, во святом Крещении Елены. Тропарь, глас 1.
Крила́ми Богоразу́мия впери́вши твой ум,/ возлете́ла еси́ превы́ше ви́димая тва́ри,/ взыска́вши Бо́га и Творца́ вся́ческих,/ и То́го обре́тши, па́ки рожде́ние Креще́нием прия́ла еси́:/ дре́ва живо́тнаго наслажда́ющися,/ нетле́нна во ве́ки пребыва́еши, Óльго присносла́вная.

Ин тропарь, глас 8.
В тебе́, Богому́драя Еле́но, изве́стен спасе́ния о́браз бысть в Ру́сстей стране́,/ я́ко, прии́мши ба́ню свята́го Креще́ния, после́довала еси́ Христу́,/ творя́щи же и уча́щи, е́же оста́вити и́дольскую пре́лесть,/ восприя́ти же попече́ние о души́, ве́щи безсме́ртней,/ те́мже и со Áнгелы ра́дуется, равноапо́стольная, дух твой.

Ин тропарь, глас 4.
Оста́вивши лесть и́дольскую,/ после́довала еси́ Христу́, Безсме́ртному Жениху́, Óльго Богому́драя,/ в Его́же черто́зе ра́дующися,/ непреста́нно моли́ся/ о чту́щих ве́рою и любо́вию святу́ю па́мять твою́.

Ин тропарь, еллинский, глас 3.
Свята́я равноапо́стольная избра́ннице Христо́ва, княги́не Óльго,/ наро́д твой слове́сным и чи́стым Христо́вым млеко́м напои́вшая,/ моли́ся Ми́лостиву Бо́гу,/ да прегреше́ний оставле́ние/ пода́ст душа́м на́шим.

Ин кондак, глас 4.
Яви́ся днесь благода́ть всех Бо́га,/ просла́вльши в Руси́ Óльгу Богому́друю,/ моли́твами ей, Го́споди,/ лю́дем пода́ждь/ грехо́м оставле́ние.

Кондак Ольги, глас 4.
Воспое́м днесь Благоде́теля всех Бо́га,/ просла́вльшаго в Росси́и Óльгу Богому́друю,/ да моли́твами ея́/пода́ст душа́м на́шим/ грехо́в оставле́ние.

Вмц. Евфимии всехвальной. Тропарь, глас 4.
Áгница Твоя́, Иису́се, Евфи́мия/ зове́т ве́лиим гла́сом:/ Тебе́, Женише́ мой, люблю́,/ и, Тебе́ и́щущи, страда́льчествую,/ и сраспина́юся, и спогреба́юся креще́нию Твоему́,/ и стражду́ Тебе́ ра́ди,/ я́ко да ца́рствую в Тебе́,/ и умира́ю за Тя, да и живу́ с Тобо́ю,/ но, я́ко же́ртву непоро́чную, приими́ мя, с любо́вию поже́ршуюся Тебе́./ Тоя́ моли́твами,/ я́ко Ми́лостив, спаси́ ду́ши на́ша.

Или сей тропарь, глас тойже.
Жениха́ твоего́ Христа́ возлюби́вши/ и свещу́ твою́ све́тлу угото́вльши,/ доброде́тельми возсия́вши, всехва́льная Евфи́мие,/ тем возшла́ еси́ с Ним на брак,/ вене́ц страда́ния от Него́ прие́мши./ Но от бед изба́ви нас,/ чту́щих ве́рою па́мять твою́.

Ин кондак, глас 4.
Во страда́нии свое́м до́бре подвиза́ся/ и по сме́рти нас освяща́еши чуде́с тече́нием, всехва́льная./ Тем твое́ успе́ние пое́м,/ ве́рою прибега́юще в Боже́ственную твою́ це́рковь,/ да изба́вимся неду́г душе́вных и чуде́с благода́ть поче́рпем.

Кондак, глас 6.
По́двиги во страда́льчестве, по́двиги в ве́ре/ положи́ла еси́ те́пле за Христа́, Жениха́ твоего́./ Но и ныне я́коже е́реси и враго́в шата́ние/ под но́ги во́инству на́шему покори́ти моли́ Богоро́дицею,/ я́же от шести́сот три́десяти Богоно́сных оте́ц/ преде́л прие́мшая/ и храня́щая, всехва́льная.

Рудненской иконы Божией Матери. Тропарь, глас 4.
К Богоро́дице приле́жно ны́не притеце́м,/ гре́шнии и смире́ннии, и припаде́м,/ в покая́нии зову́ще из глубины́ души́:/ Влады́чице, помози́, на ны милосе́рдовавши,/ потщи́ся, погиба́ем от мно́жества прегреше́ний,/ не отврати́ Твоя́ рабы́ тщи:/ Тя бо и еди́ну наде́жду и́мамы.

Кондак, глас 6.
Не и́мамы ины́я по́мощи,/ не и́мамы ины́я наде́жды,/ ра́зве Тебе́, Влады́чице,/ Ты нам помози́:/ на Тебе́ наде́емся/ и Тобо́ю хва́лимся,/ Твои́ бо есмы́ раби́,/ да не постыди́мся.

Обретение и перенесение мощей преподобного Аркадия Вяземского и Новоторжского. Тропарь, глас 4.
От духо́внаго наста́вника, отца́ преподо́бнаго Ефре́ма, наставля́емь,/ послуша́ния до́брый рачи́телю, о́тче Арка́дие,/ от мирска́го мяте́жа удали́лся еси́/ и, и́нок быв изря́дный,/ до́брым по́двигом ревну́яй,/ от Христа́ Бо́га прия́л еси́ вене́ц сла́вы Небе́сныя;/ и ны́не вку́пе с преподо́бным отце́м Ефре́мом у Престо́ла Вы́шшяго предстоя́,/ о нас моли́ся, изба́витися нам от всех бед и скорбе́й/ и спасти́ся душа́м на́шим.

Кондак, глас 2.
К глубина́м Боже́ственнаго ра́зума впери́в ум свой,/ в Небе́сныя оби́тели восте́кл еси́,/ и равноа́нгельно житие́, о́тче Арка́дие, на земли́ пожи́л еси́,/ и во всем повину́лся еси́ духо́вному своему́ настоя́телю и наста́внику, преподо́бному отцу́ Ефре́му,/ и ны́не, вку́пе предстоя́ще у Престо́ла Влады́ки Христа́,/ моли́ся непреста́нно о всех нас.


Пояснения к Православному церковному календарю.

О церковных праздниках, юбилейных и памятных датах, постах.

Главные праздники.

Сплошные седмицы.

Дни поста.

Дни особого поминовения усопших.